سەرۆکی ئۆکراینا بانگهێشتی سوودانی دەکات

ئاڤا نیوز

محەمەد شیاع سوودانی، سەرۆکوەزیرانی عێراق، لەلایەن سەرۆکی ئۆکرایناوە بانگهێشتدەکرێت بۆ بەشداریکردن لە "کۆنفرانسی ئاشتی ئۆکراینا".

ئەوەی پێویستە بیزانیت: نووسینگەی سوودانی ڕایگەیاند، سوودانی پەیوەندیەکی تەلەفۆنی لە ڤۆلۆدیمێر زێلێنسکی، سەرۆکی ئۆکرایناوە پێگەیشتووە و  بە فەرمی داوای لێکردووە بەشداری لە "کۆنفرانسی ئاشتی لە ئۆکراینا" بکات.

وێنە گەورەكە: کۆنفرانسی ئاشتی لە ئۆکراینا  مانگی داهاتوو لە سویسڕا بەڕێوەدەچێت.

بابەتە ستراتیژییەکە: هەردوولا گفتووگۆیان لەسەر پەیوەندیی نێوانیان و گرنگی پێکهێنانی لێژنەیەکی هاوبەشی نێوان عێراق و ئۆکراینا کرد.

زانیاریی زیاتر: پەرەپێدانی پەیوندییە ئابووری و بازرگانییەکان، هاوکاری بواری ئەمنی و وزە و خۆراک، بەشێکی دیکەی بابەتی گفتوگۆکانیان بوو.

ئەمەش بزانە: ئۆکراینا داوای لە عێراق کرد، کەشێکی گونجاو و لەبار بۆ کارکردنی کۆمپانیا ئۆکراینییەکان لە عێراق بڕەخسێنێت، بۆ بەرزکردنەوەی ئاستی وەبەرهێنان.