بۆ لەمەودا ڕۆمانییەکان بە بێ ڤیزە دەتوانن سەردانی تورکیا بکەن

ئاڤا نیوز 

بە بڕیاری سەرۆككۆماری توركیا، بۆ لەمەودا هاووڵاتیانی ڕۆمانیا دەتوانن بە ناسنامە گەشت بۆ تورکیا بكەن و پێویست بە ڤیزە ناکات.

وێنە گەورەکە:ڕەجەب تەیب ئەردۆغان، سەرۆککۆماری تورکیا، لەگەڵ مارسێل سیۆلاکو سەرۆکوەزیرانی ڕۆمانیا، واژۆیان لەسەر ڕاگەیێنراوێكی هاوبەشی ''دامەزراندنی ئەنجوومەنی هاریکاری ستراتیژیی ئاستی باڵای تورکیا-ڕۆمانیا 'کرد.

لێدوانی فەرمی: ڕەجەب تەیب ئەردۆغان، سەرۆککۆماری تورکیا ڕایگەیاند: "دەمەوێت ئەم دەرفەتە بقۆزمەوە و ڕایدەگەیێنم ئەو ڕێسایەمان جێبەجێکردووە کە هاووڵاتیانی ڕۆمانیا دەتوانن بە ناسنامە گەشت بۆ وڵاتەکەمان بکەن".

ئەوەی پێویستە بیزانیت: ئامانجی تورکیا، بەرزکردنەوەی قەبارەی بازرگانییە لە ڕۆمانیا بۆ 15 ملیار دۆلار، لە کاتێکدا لە ماوەی دوو ساڵ لەسەر یەک 10 ملیار دۆلاری تێپەڕاندووە.