بە دەیان هەزار کەس بەشداریی بەڕێکردنی تەرمی سەرۆککۆماری ئێران دەکەن

ئاڤا نیوز 

بە دەیان هەزار هاووڵاتی ئێرانی لە شاری تاران، لە مەراسیمی ماڵئاوایی تەرمی سەرۆککۆمار و بەرپرسەکانی دیکەی وڵاتەکەیان بەشدار دەبن.

 

چیرۆکی سەرەکی: ڕۆژی یەکشەممەی ڕابردوو، ئیبراهیم رەئیسی، سەرۆکی ئێران و ئەمیر عەبدوللاهیان، وەزیری دەرەوە و چەند بەرپرسێکی دیکە لە کاتی گەڕانەوەیان لەئازەربایجانی ڕۆژئاوا بەرەو تاران هێلیکۆپتەرەکەیان تێکشکا و گیانیان لەدەست دا. 

ڕاگەیێنراوی فەرمی: تەلەڤزیۆنی فەرمی ئێران ڕایگەیاند: بەیانیی چوارشەممە دەیان هەزار هاووڵاتیی ئێران لە ناوەڕاستی تاران کۆبوونەوە بۆ بەشداریی لە بەڕێکردنی تەرمی ئیبراهیم ڕەئیسی، سەرۆکكۆماری ئێران.

زانیاریی زیاتر: بڕیارە عەلی خامنەیی، ڕابەری باڵای ئێران نوێژی مردوو لەسەر تەرمەکەی ئیبراهیم ڕەئیسی و هاوەڵە کۆچکردووەکانی بکات.

ئەوەی پێویستە بیزانیت: ڕۆژی پێنجشەممە تەرمەکەی دەبرێتە مەشهەد و لەوێ بەخاک دەسپێردرێت.