سەرژمێریی ئەزموونی لە هەولێر دەستپێدەکات

ئاڤا نیوز

قایمقامی قەزای ناوەندی هەولێر ڕایگەیاند، هەموو ئامادەکاری و پێداویستییەک بۆ سەرژمێرییە ئەزموونییەکە کراوە، داوا لە هاووڵاتییان دەکەن هاوکاریان بن.

بۆچی گرنگە: هەرێمی کوردستان ژمارەی دانیشتووانی لەزیادبووندایە، عێراق نکۆڵی لەمە دەکات و ژمارەی دانیشتووانی هەرێم بە 14%ی کۆی گشتی عێراق دادەنێت، ئەمەش کاریگەری لەسەر ماف و ئیستحقاقی کورد دەبێت.

لێدوانی فەرمی: نەبەز عەبدولحەمید قایمقامی هەولێر ڕایگەیاند: بۆ پڕۆسەی گەمارۆدان و ژمارەدانان، هەموو ئامادەکارییەکمان کردووە و تیمەکانی پۆلیس و تەندروستی هاوکار دەبن. پڕۆسەکە دوو ڕۆژ دەخایەنێت و جیاوازە لە سەرژمێرییەکانی پێشوو کە قەدەغەی هاتووچۆ ڕادەگەیێنرا.

لە لایەکی دیکەوە: سیروان محەممەد بەڕێوەبەری گشتیی ئامار لە هەرێمی کوردستان، گوتی: ئەمڕۆ تاقیکردنەوە دوو ڕۆژییەکە لە گەڕەکی ئیبن مستەوفی هەولێر دەست پێ دەکات، بۆ ئەوەی بزانین ئەو بەرنامەی لەسەر تابلێتەکە بۆ سەرژمێری ئەزموونییە 15 ڕۆژییەکەی 31-5-2024 دانراوە تا بزانین ئەزموونەکە سەرکەوتوو دەبێت.

ئەوەی پێویستە بیزانیت: بڕیارە سەرژمێری سەرتاسەری هەرێمی کوردستان و عێراق لە ڕۆژی 20-11-2024 ئەنجام بدرێت.

باكگراوند: عێراق کۆتا سەرژمێری لە ساڵی 1997 ئەنجام داوە، ئێستا کار بە سەرژمێریی ساڵی 1957 دەکات.