سەرۆکوەزیرانی ئیسرائیل: داننان بە دەوڵەتی فەلەستین هەنگاوێكی بێكەڵكە

ئاڤا نیوز

 

سەرۆكوەزیرانی ئیسرائیل ڕایدەگەیێنێت، داننان بە دەوڵەتی فەلەستین هەنگاوێكی بێكەڵكە و ڕێگری لە هەوڵەكانی ئازادكردنی بارمتەكان دەكات.

 

وێنە گەورەكە: ژمارەیەک لە وڵاتانی ئەندامی یەكێتیی ئەوروپا بڕیاریان داوە دان بە دەوڵەتی فەلەستین بنێن و "دوو دەوڵەتی" بە چارەسەر دەزانن بۆ كێشەی فەلەستین و ئیسرائیل، بەڵام حكومەتەكەی نەتانیاهۆ دژی ئەو هەوڵانەیە.

 

لێدوانی فەرمی: بنیامین نەتانیاهۆ، سەرۆكوەزیرانی ئیسرائیل دەڵێت: وڵاتان خۆیان ماندوو دەكەن لە داننان بە دەوڵەتی فەلەستین و هەنگاوێكی بێكەڵكە، ئەمە ڕێگری لە هەوڵەكانی ئازادكردنی بارمتەكان و ئاشتی دەکات.

 

بۆچی گرنگە: داننان بە سەربەخۆیی فەلەستین لەلایەن سێ دەوڵەتی ئەوروپییەوە، هاندەر دەبێت بۆ دەوڵەتانی دیکە تاوەکو هەنگاوی هاوشێوە هەڵبگرن. 

 

ئەوەی پێویستە بیزانیت: لە کۆی 193 دەوڵەتی سەربەخۆی ئەندامی نەتەوە یەکگرتووەکان، 142 دەوڵەتیان دانیان بە سەربەخۆیی دەوڵەتی فەلەستیندا ناوە.