سیمین چایچی: هونەر بێ بایەخ کراوە

ئاڤا نیوز

 

سیمین چایچی ڕایدەگەیێنێت، بەهۆی بێ بایەخ کردنی هونەر، خۆی و 'ڕۆزبێ'ـی کوڕیی وازیان لە هونەر هێناوە.

 

لێدوانی تایبەت: سیمین چایچی شاعیر، بە ئاڤا نیوزی گوت: "لە دوای ساڵانێک لە نووسینی هۆنراوە بۆ هونەرمەندان، بڕیارمدا واز بهێنم و خۆم بە کارێکی دیکەوە سەرقاڵ بکەم، چونکە لێرە بایەخ بە هونەر نادرێت، هونەرمەند ناتوانێت لەسەر هونەرەکەی بژێوی ژیانی دابین بکات، ئێستا کافێیەکم هەیە و جار جار هۆنراوە دەنووسم ئەگەر داوام لێ بکرێت."

 

لە لایەکی دیکەوە: سیمین چایچی سەبارەت بە 'ڕۆزبێ'ـی کوڕی گوتی، لە ئێستادا کاری هونەری ناکات و سەرقاڵی خوێندنە لە بواری ئەندازیاری. 

باکگراوند: سیمین چایچی لە سالی 1952 لە شاری سنە  لەدایک بووە و لە 16 ساڵیدا یەکەمین شیعری کلاسیکی بڵاوکردەوە.