ژمارەیەک قوتابخانە لە سنووری ئامێدی دروست دەکرێن

ئاڤا نیوز

 

بەڕێوەبەری پەروەردەی ئامێدی ڕاگەیاند، 14 قوتابخانە لە سنووری قەزایەکەیان نۆژەن دەکرێنەوە و سێ قوتابخانەش دروست دەکرێن.

 

لێدوانی فەرمی: وەجیهـ سەعید، بەڕێوەبەری پەروەردەی ئامێدی لە بەرنامەی "ڕابن ژ خەوێ"ـی ڕادیۆی ئاڤا بەهدیناندا گوتی: 14 قوتابخانە لە سنووری قەزای ئامێدی کراونەتە پرۆژەیەک و بە مەبەستی نۆژەنکردنەوە ڕەوانەی وەزارەتیان کردووە.

 

زانیاریی زیاتر: ئێستا لە سنووری ئامێدی سێ قوتابخانە دروست دەکرێن کە دوو لەوان کارەکانیان تەواو بوون.

 

ئەوەی پێویستە بیزانیت: لە کابینەی نۆیەمی حکومەتی هەرێمی کوردستان 76 قوتابخانە لە سنووری قەزای ئامێدی نۆژەن کراونەتەوە و بڕیارە هاوینی ئەمساڵیش 22 قوتابخانەی دیکە نۆژەن بکرێنەوە.