دوای پشووی ڕۆژی 'غەدیر' سەدر داواکارییەکی دیکەی هەیە

شەیری بکە لە:
دوای پشووی ڕۆژی 'غەدیر' سەدر داواکارییەکی دیکەی هەیە

موقتەدا سەدر، ڕێبەری ڕەوتی نیشتمانیی شیعە. وێنە: سۆشیاڵ میدیا

ئاڤا نیوز

 

ڕێبەری ڕەوتی نیشتمانیی شیعە، داوا لە شیعەکانی عێراق دەکات لەڕێگەی چالاکی و بۆنەی تایبەتەوە "جەژنی غەدیر" بگێڕن، کە گرنگترینیان سەردانی مەزارگەی ئیمام عەلییە.

 

بۆچی گرنگە: لای شیعەمەزهەبەکان ڕۆژی 18ـی زیلحیجە کە بە ڕۆژی "غەدیر" ناسراوە، بە ڕۆژێکی پیرۆز دادەنرێت، گوایە لەم ڕۆژەدا پەیامبەری ئیسلام، ئیمامی عەلی وەک شوێنگرەوەی خۆی داناوە، موقتەدا سەدر داوای کردبوو بە فەرمی بکرێتە پشووى فەرمى.

 

نووسراوی فەرمی: موقتەدا سەدر، ڕێبەری ڕەوتی نیشتمانیی شیعە داوا لە شیعه‌کانی عێراق دەکات سەردانی مەزارگەی ئیمامی عەلی بکه‌ن و بەیعەت تازە بکەنەوە، داواشی له‌ شاعیران و خۆشنووسان کرد، چه‌ند چالاکییه‌کی هونه‌ری و شیعری ڕێک بخه‌ن بە بۆنەی جەژنەکەوە.

 

ئەوەی پێویستە بیزانیت: ڕۆژی 22ـی ئەم مانگە، پەرلەمانی عێراق دەنگی لەسەر پشووە فەرمییەکان خدا و ڕۆژی "غەدیر"ـی وەک پشووی فەرمی ناساند.

شەیری بکە لە: