تۆڕێكی بازرگانی بە ماددەی هۆشبەر لە عێراق دەستگیركران

ئاڤا نیوز 

دەزگای ئاسایشی عێراقی بە هەماهەنگی لەگەڵ دەزگای ئاسایشی سلێمانی، تۆڕێکی بازرگانانی ماددەی هۆشبەریان دەستگیر کرد و دەستیان بەسەر  13 کیلۆ ماریوانەدا داگرت.

راگەیێنراوی فەرمی: دەزگای ئاسایشی عێراق ڕایگەیاند: "پرۆسەکە دوای ڕەزامەندیی دادگە ئەنجامدرا، دوای بەدواداچوون بازرگانانی ماددە هۆشبەرەکان دەستگیرکران و دوو لەو تۆمەتبارانە لە پارێزگای سلێمانیی بە هەماهەنگیی هێزەكانی ئاساییش دەستگیرکران".

باکگراوند: هێزە ئەمنییەکانی عێراق لە سەرەتای ئەمساڵەوە دەستیان بەسەر 12 تۆن ماددەی هۆشبەر وکارتێکەرە دەروونییەکاندا گرتووە، زیاتر لە 400 تۆمەتباریش دەستگیرکراون.

وێنە گەورەكە: بەهۆی زیادبوونی بەكارهێنانی ماددەی هۆشبەر، حکومەت هەوڵ بۆ دامەزراندنی سیستەمێكی نێودەوڵەتی بۆ ڕووبەڕووبوونەوەی هەڕەشەی ماددە هۆشبەرەكان دەكات، لە ڕێگەی ڕێککەوتن و یادداشتنامەی لێكتێگەیشتن لەگەڵ وڵاتان و بەتایبەتی وڵاتانی دراوسێ.