چه‌ند پارچە شوێنەوارێكی سەردەمی ئاشوریەکان گەڕێنرایه‌وه‌ بۆ عێراق

ئاڤا نیوز

د. فواد حوسێن جێگری سەرۆکوەزیران و وەزیری دەرەوەی عێراق،  چه‌ند پارچەیەک شوێنەواری  لە وەزیری کاروباری ناوخۆی سویسرا وەرگرتەوە.

ئەوەی پێویستە بیزانیت: لەچوارچێوەی گەڕاندنەوەی شوێنەوارە دزراوەکانی عێراق کە لەلایەن وەزیری دەرەوە دەست بەهێنانەوەیان کراوە، سێ پارچە شوێنەواری عێراقی زۆر گرنگ، بریتین لە پەیکەری (خوداوەندی خۆر) ی ئاشورییەکان وە دوو دیوار کە مێژووەکەیان دەگەڕێتەوە بۆسەردەمی ئاشورییەکانی پێش زایین گەڕێنرایه‌وه‌ عێراق.

زانیاریی زیاتر: ئەو شوێنەوارانە‌ به‌ قاچاخ بردراون بۆ سویسرا و مێژووەکەی بۆ سەردەمی ئاشوریی کۆن دەگەڕێتەوە.

وێنە گەورەكە:وەزارەتی دەرەوەی عێراق ته‌نیا لەدووساڵی ڕابردوو دەیان پارچە شوێنەواری لە حکومەتی سویسرا وەرگرتووەتەوە.