پشکی پێشمەرگە لە چوارچێوەی بودجەی هێزە ئەمنییەکانی عێراقدا نییە

ئاڤا نیوز  

ئەندامێکی لیژنەی دارایی پەرلەمانی عێراق ڕایگەیاند، ساڵی ڕابردوو 23 هەزار پێشمەرگە دەوامیان گواسترایەوە بۆ سەر میلاکی عێراق، بەڵام تا ئێستا بەشێکیان مووچەیان وەرنەگرتووە.

بۆچی گرنگە: قەبارەی بودجەی ئەمساڵ نزیکەی 210 تریلیۆن دینارە و 12 تریلیۆن دینار لە بودجەی ساڵی ڕابردوو زیاترە، هاوکات زیاتر لە 20 تریلیۆن بۆ پشکی هەرێمی کوردستان دیاری کراوە.

لێدوانی فەرمی: د.خەلیل دۆسکی، ئەندامی لێژنەی دارایی لە پەرلەمانی عێراق، بە ئاڤا نیوزی گوت: "پشکی پێشمەرگە لە چوارچێوەی بودجەی هەرێمی کوردستانە، بەڵام حەشدی شەعبی وەک دامەزراوەیەکی جیا مامەڵەی لەگەڵ دەکرێت و بودجەی خۆی هەیە".

لە لایەکی دیکەوە: ساڵی ڕابردوو 23 هەزار پێشمەرگە بۆ سەر میلاکی وەزارەتی بەرگریی عێراق گواستراونەتەوە، بەڵام بەشێک لەوانە تا ئێستا مووچەکانیان وەرنەگرتووە.

ئەوەی پێویستە بیزانیت: بودجەی هەرێمی کوردستان 20 تریلیۆن و 910 ملیار دینارە، هاوکات ساڵانە نۆ ترلیۆن و 560 ملیار دینار بۆ مووچەی فەرمانبەران و پێشمەرگە و هێزەکانی ناوخۆیە.