قەتەر کۆنسوڵخانە لە هەولێر دەکاتەوە

ئاڤا نیوز 

 
بە ئامادەبوونی سەرۆکوەزیران بارزانی، ئێوارەی ئەمڕۆ یەکشەممە 26-05-2024، کۆنسوڵگەریی گشتیی قەتەر لە هەولێر دەکرێتەوە.

بۆچی گرنگە: کردنەوەی نوێنەرایەتی لە هەرێمی کوردستان هۆکارە بۆ پتەوكردنی پەیوەندی لەگەڵ ئەو وڵاتانەک بەتایبەت لە بوارەكانی سیاسی، ئابووری، بازرگانی، كولتووری و ڕۆشنبیری و كردنەوەی نوێنەرایەتیی وڵاتانیش لە هەولێر، دەرخەری بەهێزیی پێگەی هەرێمی کوردستانە لە ڕووی دیپلۆماسییەوە.

ئەوەی پێویستە بیزانیت: شاندێکی قەتەر بە سەرۆکایەتیی ئەحمەد بن حەسەن حەمادی، ئەمینداری گشتیی وەزارەتی دەرەوەی ئەو وڵاتە لە هەولێرە، ئەمڕۆ بە ئامادەبوونی سەرۆکوەزیران بارزانی کۆنسوڵگەری گشتیی قەتەر دەکرێتەوە.

ژمارەکان وا دەڵێن: ئێستا لە هەرێمی کوردستان 41 کۆنسوڵگەری و نووسینگەی باڵیۆزخانە و نوێنەرایەتی و ئاژانسی هاریکاریی نێودەوڵەتیی هەن، کە وڵاتانی کیشوەری ئەفریقا، ئەمریکا، ئەوروپا، ئاسیای تێدایە.