هەزاران ئاوارەی عێراقی لە هەرێمی کوردستان دەگەڕێنەوە شوێنی خۆیان

ئاڤا نیوز

 

حکومەتی عێراقی بڕیاری داوە سەرجەم کەمپی ئاوارەکان لە هەرێمی کوردستان و ناوچەکانی دیکەی عێراق دابخات و تاوەکو ئێستا 29 هەزار خێزانی ئاوارە گەڕاونەتە زێدەکانیان. 

 

ڕاگەیێنراوی فەرمی: "ژمارەی ئەو ئاوارانەی کە لە کەمپەکانی هەرێمی کوردستان و ناوچەکانی دیکە گەڕاونەتەوە زێدی خۆیان گەیشتە 29 هەزار خێزان". کەریم نووری، بریکاری وەزارەتی کۆچ و کۆچبەران وای گوت.

 

زانیاریی زیاتر: کەریم نووری دەڵێت: "حکومەت جددییە لە داخستنی کەمپەکان و گەڕاندنەوەی ئاوارەکان بۆ شوێنی خۆیان، بوونی کەمپەکان کێشە بۆ عێراق دروست دەکات".

 

ژمارەکان وا دەڵێن: 630 هەزار ئاوارەی عێراقی لە 20 کەمپ لە هەر سێ پارێزگاکەی هەرێمی کوردستان نیشتەجێن.

 

باکگراوند: حکومەتی عێراق بڕیاری داوە تاوەکو کۆتایی مانگی حەوت سەرجەم ئاوارەکان بگەڕێنێتەوە شوێنی خۆیان و کەمپەکان دابخات.