هەناردەکردنی نەوتی عێراق بۆ ئەمریکا بەرزبووەتەوە

ئاڤا نیوز

 

هەفتەی ڕابردوو قەبارەی هەناردەکردنی نەوتی عێراق بۆ ئەمریکا 116 هەزار بەرمیل بەراورد بە هەفتەی پێشووتر زیادی کردووە.

 

ڕاگەیێنراوی فەرمی: بەڕێوەبەرایەتیی زانیاریی وزەی ئەمریکا ڕایگەیاند، "عێراق لە هەفتەی ڕابردوو 239 هەزار بەرمیل نەوتی خاوی هەناردەی ئەمریکا کردووە بە ڕێژەی 116 هەزار بەرمیل زیاتر لە هەفتەی پێشووتر کە 123 هەزار بەرمیل بوو".

 

زانیاریی زیاتر: عێراق لەپاڵ وڵاتانی کەنەدا، سعودیە، بەڕازیل و کۆلۆمبیا یەکێکە لەو وڵاتانەی زۆرترین قەبارەی نەوتی خاو هەناردەی ئەمریکا دەکات.

 

ئەوەی پێویستە بیزانیت: نەوت بڕبڕەی پشتی ئابووریی عێراقە بەشێوەیەک کە زیاتر لە 93%ـی پارەی بودجەی گشتیی عێراق لە نەوتەوە سەرچاوە دەگرێت.