پەیوەندییە دیپلۆماسییەکانی هەرێمی کوردستان و قەتەر؛ مێژوو و بەرهەم

ئاڤا نیوز

 

هەرێمی کوردستان و قەتەر، پەیوەندییەکی دیپلۆماسی و ئابووریی باشیان هەیە کە مێژووی دروستکردنی ئەم پەیوەندییە بۆ سەرۆک بارزانی دەگەڕێتەوە وەک یەکەم سیاسیی کورد کە ساڵی 2012 سەردانی ئەو وڵاتەی کرد.

 

بۆچی گرنگە: ئەمڕۆ قەتەر لە هەولێری پایتەختی هەرێمی کوردستان کونسوڵخانە دەکاتەوە کە ئەمەش ڕۆڵی گەورەی دەبێت لە دروستبوونی پەیوەندییەکی بەهێزی سیاسی و دیپلۆماسی و سەرجەم کەرتەکانی دیکەی وەک بازرگانی و ئابووری و کولتووری.

 

⁠پێدراوە ڕاستییەکان: دوای سەردانەکەی سەرۆک بارزانی، پەیوەندییە سیاسی و دیپلۆماسییەکانی هەرێمی کوردستان و قەتەر گەشەکردنێکی گەورەیان بە خۆیانەوە بینی کە دەتوانین بەم شێوەیە دەستەبژێریان بکەین:

 

ـ نێچیرڤان بارزانی، سەرۆکی هەرێمی کوردستان، ساڵی 2021 سەردانی قەتەری کرد و چاوی بە میر تەمیم بن حەمەد کەوت. 

ـ سەرۆکوەزیران بارزانی ساڵی 2022 سەردانی قەتەری کرد و لەگەڵ میر تەمیم بن حەمەد و چەند بەرپرسێکی باڵای قەتەری کۆبووەوە و داوای کردنەوەی کونسوڵخانەی گشتی لە هەولێر کرد.

ـ وەزیری دەرەوەی قەتەر، لە ساڵی 2021 سەردانی هەرێمی کوردستانی کرد.

ـ سەرۆکوەزیران بارزانی لە ساڵی 2022 لەگەڵ وەزیری بازرگانیی قەتەر لە داڤۆس کۆبووەوە و تاوتوێی هەناردەکردنی بەروبوومی کشتوکاڵی هەرێمی کوردستان بۆ وڵاتی قەتەر کرا.

ـ ساڵی 2023 و بۆ یەکەمجار بە شێوەیەکی فەرمی سێو، هەنار و هەنگوینی کوردستان هەناردەی وڵاتی قەتەر کران.

ـ سەرۆکوەزیران بارزانی لە داڤۆس - 2024، لەگەڵ سەرۆکوەزیرانی قەتەر و بەڕێوەبەری جێبەجێکاری کۆمپانیای QIA کۆ بووەوە و دووبارە باس لە چۆنیەتیی بەرەوپێشبردنی پەیوەندییە بازرگانییەکانی هەردوولا و دەرفەتی وەبەرهێنان لە هەرێمی کوردستان کرا.