سەرۆکوەزیران بارزانی لەگەڵ شاندێکی قەتەڕی کۆدەبێتەوە

ئاڤا نیوز

 

سەرۆکوەزیران بارزانی لەگەڵ شاندێکی قەتەری پەرەپێدانی پەیوەندیی دوولایەنە لە هەموو بوارەکاندا تاوتوێ دەکەن و قەتەریش خواستی وڵاتەکەی بۆ برەودان بە پەیوەندییەکان لەگەڵ هەرێمی کوردستان دەردەبڕێت.

 

بۆچی گرنگە: ئەمڕۆ قەتەر لە هەولێری پایتەختی هەرێمی کوردستان کونسوڵخانە دەکاتەوە کە ئەمەش ڕۆڵی گەورەی دەبێت لە دروستبوونی پەیوەندییەکی بەهێزی سیاسی و دیپلۆماسی و سەرجەم کەرتەکانی دیکەی وەک بازرگانی و ئابووری و کولتووری.

 

وێنە گەوەکە: یەکشەممە 26-5-2024  سەرۆکوەزیران بارزانی لەگەڵ شاندێکی قەتەڕی بە سەرۆکایەتیی ئەحمەد حەسەن حەممادی، ئەمینداری گشتیی وەزارەتی دەرەوەی قەتەڕ کۆبووەوە.

 

ڕاگەیێنراوی فەرمی: سەرۆکوەزیران بارزانی ئاماژەی بە گرنگیی پێگەی قەتەڕ کرد و ئامادەیی هەرێمی کوردستانی بۆ بەهێزکردنی پەیوەندیی دوولایەنە لە بوارە جۆراوجۆرەکاندا نیشاندا.

 

زانیاریی زیاتر: ئەمینداری گشتیی وەزارەتی دەرەوەی قەتەڕ، سڵاو و ڕێزی میر و سەرۆکوەزیرانی قەتەڕی بە سەرۆکوەزیران بارزانی گەیاند و خواستی وڵاتەکەی بۆ برەودان بە پەیوەندییەکان لەگەڵ هەرێمی کوردستان دەربڕی.

 

ئەمەش بزانە: لە دیدارەکەدا باڵیۆزی قەتەڕ لە عێراق و کۆنسولی گشتیی وڵاتەکە لە هەرێمی کوردستان ئامادە بوون.