ئیسپانیا داوای دروستکردنی دەوڵەتی فەلەستین دەکات

ئاڤا نیوز 

لە هەنگاوێکی تازە ئیسپانیا داکۆکی لە دامەزراندنی دەوڵەتی فەلەستین دەکات و دەڵێت، ئەو دەوڵەتە ئاسایش بۆ ئیسرائیلیش بەدی دەهێنێت. 

 

لێدوانی فەرمی: خوسێ مانوێل ئەلبارێس، وەزیری دەرەوەی ئیسپانیا، ڕایگەیاند "دداننان بە سەربەخۆیی دەوڵەتی فەلەستین بۆ خەڵکی فەلەستین دادپەروەرییە و هەروەها باشترین گەرەنتیشە بۆ ئاسایشی ئیسرائیل".

 

لە لایەکی دیکەوە: دەسەڵاتی فەلەستنی پێشوازیی لە بڕیاری ئیسپانیا، نەرویج و ئیرلەندا بۆ دداننان بە سەربەخۆیی فەلەستین کردووە و هاوکات داوای کردووە وڵاتانی دیکەی ئەوروپاش هەنگاوی هاوشێوە بگرنە بەر. 

 

بۆچی گرنگە: دداننانی دەوڵەتان بە سەربەخۆیی فەلەستین ڕێخۆشکەر دەبێت بۆ جێبەجێکردنی چارەسەری دوو دەوڵەت کە لەسەر ئاستی نێودەوڵەتی وەک چارەسەری نموونەیی کێشەی نێوان ئیسرائیل و فەلەستین سەیر دەکرێت.