عومەر بەرزنجی: قەتەر لە وەبەرهێنانی غازدا دەتوانێ  یارمەتیدەری هەرێمی کوردستان بێت

ئاڤانیوز

 

باڵوێزی پێشووی عێراق لە دەوحە دەڵێت، کردنەوەی باڵوێزخانەی قەتەر لە هەولێر دەرفەتێکی باش دەبێت بۆ بەرەوپێشبردنی کەرتی وزە لە هەرێمی کوردستان. 

وێنە گەورەکە: هەرێمی کوردستان بە درێژایی117 دەکەوێتە سەر ڕێگەی گەشەپێدانی ئابووری، ئەمڕۆ یەکشەممە 26-5-2024 کونسوڵخانەی قەتەر بە فەرمی لە هەولێر کرایەوە.

 

لێدوانی فەرمی: عومەر بەرزنجی باڵوێزی پێشووی عێراق لە قەتەر و جێگری وەزیری دەرەوە، بە ئاڤا نیوزی ڕاگەیاند: قەتەر زۆر پشتی بە کەرتی غاز بەستووە و لەو ڕووەوە وڵاتێکی پێشکەوتووە، هەرێمی کوردستانیش غازی هەیە، بۆیە بەدڵنیاییەوە قەتەر لە وەبەرهێنانی غازدا دەتوانێت هاوکاربێت و دەرفەتێکی باشە بۆ بەرەپێشبردنی کەرتی بەرهەمهێنانی غاز لە هەرێمی کوردستان.

 

لەلایەکی دیکەوە: بۆ وەبەرهێنانی غاز لە هەرێمی کوردستان، پێویستە هەماهەنگی تەواو لەگەڵ حکومەتی ناوەند بکرێت بۆئەوەی هیچ کێشەیەک ڕوونەدات، قەتەرییەکانیش بە هەماهەنگییەکی وا خۆشحاڵ دەبن و ئەمەش لە بەرژەوەندیی هەرێمی کوردستانە.

 

زانیاری زیاتر: کردنەوەی کونسوڵخانەی قەتەر نیشانەی ئەوەیە گرنگی زۆر بە هەرێمی کوردستان دەدەن، چ لە ڕووی سیاسی، چ ئابووری، چونکە قەتەر لە ڕوانگەی ئەو ڕاپۆرت و باس و خواسانەی لەلایەن سەرۆکی هەرێمی کوردستان و دەوڵەتمەدار سەرۆک وەزیران بارزانی خراوەتە پێش ئەمیر و سەرۆک وەزیرانەکەی باش تێگەیشتوون. 

 

ئەوەی پێویستە بیزانیت: قەتەر لە بواری هاوکاری مرۆیی ڕۆڵێکی گرنگی لە ناوچەکە دا هەیە، لە دوای کردنەوەی کونسوڵخانەکەیان لە هەرێمی کوردستان چاوەڕوان دەکرێت هەنگاوی گرنگ لەم ڕووەشەوە بنرێت و پلانی تایبەتی بۆ دابنرێت.