سەرۆکوەزیران بارزانی داواکاریی خەڵکی ئیدارەی ڕاپەڕین جێبەجێ دەکات

ئاڤا نیوز 

 

 سەرۆکوەزیران بارزانی بەڵێنەکەی بەجێگەیاند و پڕۆژەیەکی ستراتیژی لە سنووری ئیدارەی ڕاپەڕین 

 

وێنە گەورەکە: پڕۆژەی پردی ڕانیە - بنگرد تەواوبووە و ئەمڕۆ سەرۆکوەزیران بارزانی لە سنووری ئیدارەی سەربەخۆی ڕاپەڕین پردەکە دەکاتەوە، ئەم پردە کارئاسانی بازرگانی لەنێوان ئیدارەی ڕاپەڕین و پارێزگای سلێمانی دەکات.

 

لێدوانی فەرمی: ئاگرین عەبدوڵڵا، بریکاری وەزیری ئاوەدانکردنەوە و نیشتەجێکردن بە ئاڤا نیوزی گوت، "پڕۆژەی پردی ڕانیە - بنگرد یەکێک بوو لە داواکارییە ستیراتیژییەکانی خەڵکی ناوچەکە، کابینەی نۆیەم بەڵێنی پێدان ئەمڕۆش سەرۆکوەزیران بارزانی بەڵێنەکەی جێبەجێ دەکات".

 

خاڵە ستراتیژییەکان: ئەم پردە  لە ڕووی بازرگانی، گەشتیاری و کشتوکاڵی گرنگی هەیە و کارئاسانی هاتووچۆ بۆ 25 گوندی سنوورەکە دەکات،  ڕاپەڕین و دووکان بەیەکەوە دەبەستێتەوە.