لەپێنج مانگدا لە عێراق شەش هەزار کەس لە ماددە هۆشبەرەکان تێوەگلاون

ئاڤا نیوز

 

لە عێراق رۆژ لەدوای ڕۆژ بازرگانیکردن و بەکارهێنانی ماددە هۆشبەرەکان بەرزدەبێتەوە و ڕێژەی تێوەگلان بەو ماددانە زیادیان کردووە، بەجۆرێک تەنیا لە پێنج مانگی ئەمساڵ شەش هەزار کەس تێوەگلاون.

 

ڕاگەیێنراوی فەرمی: بەڕێوەبەرایەتیی کاروباری ماددە هۆشبەرەکانی عێراق ڕایگەیاند: "لە سەرەتای ئەمساڵەوە شەش هەزار تۆمەتبار بەهۆی تێوەگلان بە ماددەی هۆشبەر دەستگیرکراون و دەستیش بەسەر 10 تۆن لە ماددەکانی کارتێکەرە دەروونییەکان گیراوە".

 

زانیاریی زیاتر: "ئۆپەراسیۆنی بەرپەرچدانەوەی سێیەممان بە پاڵپشتیی بڕیارەکانی دادگە ئەنجامدا، بۆ دەستگیرکردنی بازرگانانی ماددەی هۆشبەر و هەڵوەشاندنەوەی تۆڕەکانیان لەسەر ئاستی نێوخۆیی و نێودەوڵەتی". بەڕێوەبەرایەتیی کاروباری ماددە هۆشبەرەکان وای گوت.