ڕۆژنامەنووس شاکار ستار ئازاد کرا

ئاڤا نیوز

 

دوای دەستبەسەرکردنی بۆ  چەند ڕۆژێک، ئەمڕۆ ڕۆژنامەنووس شاکار ستار بە کەفالەت ئازاد کرا.

 

چیرۆکی سەرەکی: شاکار ستار ڕۆژنامەنووس و پێشکەشکاری دەزگایەکی میدیاییە بە ناوی "تیوار"، شەوی 18-05-2024 لە کاتی گەڕانەوەی لە سلێمانی بۆ هەولێر لە بازگەی ئاشتیی کۆیە لەلایەن هێزێکی ئەمنییەوە دەستگیر کرا."

 

لێدوانی فەرمی: کاروان ئەنوەر، سەرۆکی لقی سلێمانیی سەندیکای ڕۆژنامەنوسانی کوردستان بە ئاڤا نیوزی گوت: ”دوای جێبەجێکردنی ڕێکار و ڕێوشوێنە یاساییەکان، ئەمڕۆ شاکار ستار پێشکەشکار و ڕۆژنامەنووس  ئازاد کرا."

 

ئەوەی پێویستە بیزانیت: شاکار ستار بە فەرمانی دادوەر و بە دۆسییەیەکی دوور لە کاری ڕۆژنامەوانی دەستگیر کرابوو.