وەزارەتی دەرەوەی قەتەر: کوردستان هەرێم و وڵاتێکی برایە لەگەڵ قەتەر

ئاڤا نیوز

 

ئەمینداری گشتیی وەزارەتی دەرەوەی قەتەر ڕایدەگەیێنێت، کوردستان هەرێم و وڵاتێکی برایە لەگەڵ قەتەر، هاوکات ژێرخانێکی نایابی هەیە.

 

بۆچی گرنگە: کردنەوەی کۆنسوڵخانەی گشتیی قەتەر لە هەولێری پایتەخت ڕۆڵی گەورەی دەبێت لە دروستکردنی پەیوەندییەکی بەهێزی سیاسی و دیپلۆماسی و سەرجەم کەرتەکانی دیکەی وەک بازرگانی و ئابووری و کولتووری.

 

 

لێدوانی فەرمی: د.ئەحمەد حەسەن حەمادی، ئەمینداری گشتیی وەزارەتی دەرەوەی قەتەر، بە کوردستان حەسەن، پەیامنێری دیپلۆماسی ئاڤا نیوزی ڕاگەیاند: "کوردستان بەشێکە لە عێراق، هەرێمێک و دەوڵەتێکی برایە سەبارەت بە قەتەر، پەیوەندییەکانمان لەگەڵیان زۆر لەمێژینەیە و ڕەگ و ڕیشەی هەیە".

 

زانیاریی زیاتر: کوردستان ژێرخانێکی نایابی هەیە، ئاسایش و ئارامی هەیە، بۆ ئێمە زۆر گرنگە وەبەرهێنان لە عێراق و بکەین و ئاڵۆگۆڕی وەبەرهێنان لەنێوان عێراق و قەتەر هەبێت. ئەحمەد حەسەن حەمادی وای گوت.

 

 

لەلایەکی دیکە: حەسەن عەلی فەزالە، کۆنسولی گشتیی قەتەر لە هەرێمى كوردستان بە ئاڤا نیوزی ڕاگەیاند: "هەرێمی کوردستان ناوچەیەکی زۆر گرنگە بۆ ئێمە، سوپاس بۆ خودا پەیوەندییەکان پێش کردنەوەی کۆنسوڵخانەش هەر هەبووە".

 

باکگراوند: ڕۆژی 26-05-2024 سەرۆکوەزیران بارزانی بە یاوەری ئەمینداری گشتیی وەزارەتی دەرەوەی قەتەر لە بۆنەیەکی فەرمیدا، کۆنسوڵخانەی گشتیی وڵاتی قەتەریان لە هەولێری پایتەختی هەرێمی کوردستان کردەوە.