هەرێمی کوردستان ڕێژەی هەناردەکردنی بەرهەمەکانی بۆ دەرەرە زیاد دەکات

ئاڤا نیوز

 

 

هەرێمی کوردستان ڕێژەی هەناردەکردنی بەرهەمەکانی بۆ دەرەرە زیاد دەکات، بەتایبەت  ئەو بەرهەمانەی بە وڵاتانی کەنداو و ئەوروپا ئاشنان، ڕێژەی هەناردەکردنیان زیاد دەکرێت.

 

بۆچی گرنگە: پێشتر هەرێمی کوردستان وەک وڵاتێکی بەکاربەر دەبینرا، ئێستا هەوڵەکان بەو ئاڕاستەیەن ببێتە وڵاتێکی بەرهەمهێن و بەرهەمەکانی هەناردەی دەرەوە بکات.

 

لێدوانی فەرمی: ڕزگار حەمەخدر، ڕاوێژکاری وەزارەتی کشتوکاڵی هەرێمی کوردستان، بە ئاڤانیوزی گوت: "بنەمایەک بۆ هەناردەکردنی بەرهەمەکان دانراوە، هەوڵدەدەین ببین بە وڵاتێکی هەناردەکار و زۆرینەی بەرهەمەکانی سەوزە و میوە، بەرهەمە پەلەوەریی و ئاژەڵییەکان، هەنگوین، دانەوێڵە و عەلەف هەناردەی دەرەوە بکەین."

 

لەلایەکی دیکەوە: "هەمان بەرهەمی پار ساڵ لەگەڵ هەنگوین و سێو و پەتاتە هەناردە دەکەین، لە ڕێگەی نووسینگەی سەرۆکوەزیران بارزانی کار لەسەر هەناردەی ئەم بەرهەمانە دەکرێت." ڕزگار حەمە خدر وای گوت.

 

ئەوەی پێویستە بیزانیت: بەرهەمەکانی سەوزە و میوە لەگەڵ بەرهەمە پەلەوەرییەکان وەک مریشک و هێلکە، بە ڕێژەیەکی زۆر پێداویستییەکانی بازاڕی ناوەڕاست و خوارووی عێراق پڕدەکەنەوە.

 

زانیاریی زیاتر: کار لەسەر واژۆکردنی لێکتێگەیشتنێک لەنێوان هەرێمی کوردستان و ئوردن دەکرێت، تا بەبازاڕکردنی سامانی ئاژەڵ بخرێتە بەرنامەی هەناردەکردنەوە.