كابینەی نۆ زیاتر لە 730 ملیۆن دۆلاری لە كەرتی وەبەرهێنان لە دهۆک خەرج كردووە

ئاڤا نیوز

لە 55 ەمین ساڵیادی بە پارێزگابوونی دهۆک، بەڕێوەبەری وەبەرهێنانی دهۆک ئاشکرای دەکات ڕۆژ لەدوای ڕۆژ دهۆک بەرەو گەشەسەندنی وەبەرهێنان و ژێرخانی ئابووری گەورە دەچێت.

لێدوانی فەرمی: د. هەڤاڵ سدیق، بەڕێوەبەری گشتیی وەبەرهێنان لە دهۆک بە ئاڤا نیوزی گوت: "لە سەردەمی کابینەی نۆیەمی حکومەتی هەرێمی کوردستان، کەرتی وەبەرهێنان  گەشەکردنێکی باشی بەخۆیەوە بینیوە و ئەمەش دەرەنجامی پشتیوانیی حکومەتی هەرێمی کوردستانە بۆ پارێزگای دهۆک".

ئەوەی پێویستە بیزانیت: بەڕێوەبەرایەتیی وەبەرهێنانی دهۆک لە چوار ساڵی کابینەی نۆیەمی حکومەتی هەرێمی کوردستاندا توانیویەتی 78 مۆڵەتی کارکردن بە پرۆژەی وەبەرهێنان بدات، بە بڕی زیاتر لە 730 ملیۆن دۆلار.

بۆچی گرنگە: سەرجەم ئەو پرۆژانە ستراتیژی بوون، بەشێکیان کارەکانیان تەواو بووە و بەشەکەی دیکەش کارکردن تێیدا بەردەوامە، بەوەش جگە لەئاوەدانی ناوچەکە هەلی کاری زیاتری بۆ دانیشتووان ڕەخساندووە.