هۆکاری مایەپووچبوونی مام سەید چی بووە؟

ئاڤا نیوز

 

مام سەید مایەپووچبوونی خۆی ڕاگەیاند و هۆکاری مایەپووچبوونی بۆ ئاڤا ئاشکرا دەکات و دەڵێت "بەناوی سەرۆکوەزیرانی عێراقەوە فێڵم لێکراوە". 

 

وێنە گەورەکە: مام سەید، کاسبکارێکی بازاڕی دۆلاری هەولێرە، بە پێشبینییەکانی لەبارەی نرخی دینار و دۆلار لە سۆشیال میدیا بەناوبانگە، ڕۆژی دووشەممە 27-05-2024 مایەپووچبوونی خۆی ڕاگەیاند.

 

لێدوانی فەرمی: مام سەید لە لێدوانێکی تایبەتدا بۆ ئاڤا نیوز مایەپووچبوونی خۆی ڕایگەیاند و ئاماژەی بەوە دا "خاوەنی 12 ملیۆن دینار بووم، بەڵام ئێستا هیچ پارەم نەماوە". 

 

هۆکارە زانراوەکان: مام سەید لەبارەی هۆکاری مایەپووچبوونی دەڵێت: کەسێک بەناوی ئەوەی کریستیان بووە و ئایینی خۆی گۆڕیوە و بووەتە موسڵمان، ئێستا لە نووسینگەی محەممەد شیاع سوودانی، سەرۆکوەزیرانی عێراق کاردەکات، داوای کرد پارەی بە قەرز پێبدەم، بەڵێنی پێدام چاوپێکەوتنێکیشم لەگەڵ سوودانی بۆ ڕێکبخات، منیش 12 ملیۆن دینارم پێدا، بەڵام فێڵی لێکردم و پارەکەی نەگەڕاندەوە بۆم، ئێستا هیچ پارەیەکم نەماوە.