دە ساڵە پارێزگای دهۆک جێگەی حەوانەوەی هەزاران ئاوارە و پەنابەرە

ئاڤا نیوز

 

بەهۆی تێکچوونی دۆخی ناوچەکانیان لە ڕووی ئەمنی و هێرشی داعش، زیاتر لە 10 ساڵە سەدان هەزاران ئاوارە و پەنابەر ڕوویان لە پارێزگای دهۆک کردووە.

 

لێدوانی فەرمی: پیردەیان جەعفەر، بەڕێوەبەری کۆچ و کۆچبەرانی دھۆک بە ئاڤا نیوزی گوت: تاوەکو ئێستا 20 کەمپ لە سنووری پارێزگای دهۆک هەن، 394 هەزار و 324 ئاوارە و پەنابەر لە کەمپەکان و دەرەوەی کەمپەکانی پارێزگاکە دەژین، بە بەردەوامی هاوکاریان پێ دەدرێت.

 

ژمارەکان وا دەڵێن: 
123,023 ئاوارە لە کەمپدا دەژین
52,180 پەنابەر لە کەمپدا دەژین
33,154 پەنابەر لە دەرەوەی کەمپدا دەژین
185,967 ئاوارە لە دەرەوەی کەمپدا دەژین

 

ئەوەی پێویستە بیزانیت: وێڕای ئەوەی حکومەتی عێراق بڕیاریداوە کەمپەکان دابخات و ئاوارەکان بگەڕێنێتەوە، بەڵام ئاوارەکان ئەو بڕیارە ڕەتدەکەنەوە، پێیانوایە ناوچەکانیان سەقامگیر نین و بێ خزمەتگوزارین، ئەمە وێڕای ئەوەی بەغدا هیچ هاوکارییەکیشیان پێشکەش ناکات.