پرۆژەکانی ئیدارەی سەربەخۆی سۆران

ئاڤا نیوز

 

سەرۆکوەزیران بارزانی سەردانی ئیدارەی سەربەخۆی سۆران دەکات و بەردی بناغەی چوار پڕۆژە دادەنێت، پڕۆژەکان لەسەر بودجەی وەبەرهێنان جێبەجێ دەکرێن، کۆی ئەو پڕۆژانەشی لە سۆران جێبەجێکراون ژمارەیان 257 پڕۆژەیە. 

 

داتای فەرمی: بەپێی داتای وەزارەتی پلاندانان و دەستەی وەبەرهێنانی هەرێمی کوردستان، لە ئیدارەی سەربەخۆی سۆران، 91  پڕۆژە لە سێکتەرەکانی (ڕێگە و گواستنەوە، ئاو و ئاوەڕۆکان، بەکارهێنان و بەرهەمهێنانی وزە، ژێرخان، خزمەتگوزاری و پەروەردە) بە گوژمەی 67 ملیار و 554 ملیۆن دینار جێبەجێ دەکرێن. 

زانیاریی زیاتر: 58 لەو پڕۆژانە (کە دەکاتە 64%ـی پڕۆژە تەواوبووەکانی سۆران) ساڵی پلانیان دەکەوێتە ناو تەمەنی کابینەی نۆیەم بە خەرجی 20 ملیار و 698 ملیۆن دینار جێبەجێ کراون.

 

پڕۆژە بەردەوامەکان لە ئیدارەی سەربەخۆی سۆران: 

ژمارەی پرۆژەکان: 165 لە سێکتەرەکانی (ڕێگە و گواستنەوە، ئاو و ئاوەڕوکان، بەکارهێنان و بەرهەمهێنانی وزە، ژێرخان و خزمەتگوزاری، پەروەردە، تەندروستی و کشتوکاڵ) 

گوژمەی گشتی پڕۆژەکان: 335 ملیار و 281 ملیۆن دینار

خەرجی گشتی: 218 ملیار و 859 ملیۆن دینار

93 لەو پڕۆژانە (کە دەکاتە 56%ـی پڕۆژە بەردەوامەکان) ساڵی پلانیان دەکەوێتە ناو تەمەنی کابینەی نۆیەم و بە گوژمەی گشتی 70 ملیار و 774 ملیۆن دینار ئەنجامدەدرێن.

72 پڕۆژەکەی دیکە کە لە کابینەکانی پێشوو دەستپێکراون، تاوەکو کۆتایی ساڵی 2023 بۆ تەواوکردنیان 38 ملیار و 266 ملیۆن دینار خەرجی کابینەی نۆیەم بووە کە دەکاتە 63% تەواوی خەرجی کابینەی نۆیەم بۆ پڕۆژە بەردەوامەکان. 

هاوکات 51 پڕۆژە (کە دەکاتە 31% پڕۆژە بەردەوامەکان) ڕێژەی جێبەجێکردنیان 100%، بەڵام لەبەر ڕێکارەکانی پاکتاوی دارایی، تاوەکو مانگی 12ـی 2023 باری پڕۆژەکان (بەردەوام) بوونە.

ئەوەی پێویستە بیزانیت: مۆڵەتی وەبەرهێنان لە کابینەی نۆیەم. لە سەرەتای دەستبەکاربوونی کابینەی نۆیەم تاوەکو مانگی 2 ساڵی 2024، ژمارەی مۆڵەتەکانی وەبەرهێنانی کەرتی تایبەت لە ئیدارەی سەربەخۆی سۆران 6 مۆڵەت بووە بە سەرمایەی گشتیی 70 ملیۆن و 640 هەزار دۆلاری ئەمریکی وەبەرهێنان دەکرێت لە سێکتەرەکانی پیشەسازی، فێرکردن، نیشتەجێبوون و گەشتیاری.