بە بڕی نزیکەی چوار ملیار دینار قەرەبووی زیانلێکەوتووانی بازاڕی چەلێ دەکرێتەوە

ئاڤا نیوز

 

گوتەبێژی بەرگریی شارستانیی دهۆک ڕایدەگەیێنێت، هەموو زیانلێکەووتوانی بازاڕە سووتاوەکەی دهۆک لەلایەن حکومەتی هەرێمی کوردستانەوە قەرەبوو دەکرێنەوە.

 

وێنە گەورەکە: شەوی دووشەممە 1-4-2024 ئاگر لە بازاڕی چەلێی پارێزگای دهۆک کەوتەوە، بەهۆیەوە 132 دووکان سووتان.

 

لێدوانی فەرمی: عەقید بێوار عەبدولعەزیز، گوتەبێژی بەرگریی شارستانیی دهۆک بە ئاڤا نیوزی ڕاگەیاند: ئەمڕۆ 29-5-2024 لەلایەن پارێزگای دهۆکەوە قەرەبووی زیانلێکەووتوانی بازاڕی چەلێی دهۆک دەکرێتەوە، هەر دووکاندارێک بە گوێرەی قەبارەی زیانەکانی قەرەبوو دەکرێتەوە.

 

ژمارەکان وا دەڵێن: بە هۆی ئاگرەکەوە 132 دووکان و 30 کۆگا و تەلار لە بازاڕی چەلێ سووتاون، پارێزگای دهۆک بە بڕی سێ ملیار و 973 ملیۆن دینار قەرەبووی زیانلێکەووتوان دەکاتەوە کە بە گوێرەی قەبارەی زەرەرەکەیان هەر دووکانێک لە ملیۆنێکەوە تاوەکو 140 ملیۆن دینار قەرەبوو دەکرێنەوە.