حکومەت لە 20%ـی قەرزی بچووک خۆش دەبێت

ئاڤا نیوز

 

ئەمڕۆ چوارشەممە ئەنجوومەنی وەزیرانی هەرێمی کوردستان بە سەرۆکایەتیی سەرۆکوەزیران بارزانی کۆبووەوە و چەند پرسێکی تاوتوێ کرد.

 

زانیاریی بەدەستهاتوو: حکومەتی هەرێمی کوردستان لە 20% ئەو قەرزانە خۆش دەبێت، کە لای سوودمەندانی پرۆژەی قەرزی بچووک ماوەتەوە، بەو مەرجەی هەموو پارەکە بەیەکجار بگەڕێننەوە.

 

لەلایەکی دیکەوە: کۆی گشتی ئەو کەسانەی لە پرۆژەی قەرزی بچووک سوودمەند بوون، هەشت هەزار و 136 کەسن، لەو ڕێژەیەش 80%یان قەرزەکەیان گەڕاندووەتەوە تەنیا 20% قەرزیان لەلا ماوە.

 

باكگراوند: پێشتریش ئەنجوومەنی وەزیران لە ڕێگەی وەزارەتی کار و کاروباری کۆمەڵایەتییەوە سێ مانگی وەک دوادەرفەت بۆ سوودوەرگرتن لە داشکاندنی 15%ی پێشینەکانی حکومەت دابووە ئەو هاونیشتمانیانەی قەرزی بچووکیان هەبوو لەگەڵ لێخۆشبوونی تەواوی سزای دارایی دواکەوتنی قەرزی پارەی بەشدارییەکانی تایبەت بە دەستەبەری کۆمەڵایەتی، بە مەرجێک خاوەنکارەکە بە یەکجار تەواوی پارەکەی بدات.