لە دهۆک دەست بەسەر دەرمانی قاچاخدا گیرا و چەند کەسێکیش دەستگیرکران

ئاڤا نیوز

 

 ئاسایشی دهۆک دەستی بەسەر چەندین جۆر دەرمانی قاچاخ دا گرت، چەند کەسێکیشی دەستگیركرد.

 

بۆچی گرنگە: ڕێگریکردن لە دەرمانی قاچاخ و بێ مۆڵەت، تەندروستی هاووڵاتییان پارێزراو دەكات و متمانەی هاووڵاتییانیش بە كەرتی تەندروستی زیاتر دەکات.

 

ڕاگەیێنراوی فەرمی: ئاسایشی دهۆک ڕایگەیاند: دوای ئاگادارکردنەوەمان لەوەی دەرمانخانەیەک دەرمانی قاچاخی هەیە، لەسەر فەرمانی دادوەر پشکنینمان بۆ دەرمانخانەکە کرد و سەدان جۆر دەرمانی نایاسایی و قاچاخ دەستی بەسەردا گیرا.

 

زانیاریی زیاتر: ئەو کەسانەی بەرپرسیار بوون لەو کارە لەلایەن ئاسایشەوە دەستگیرکراون و پەڕاوی لێکۆڵینەوەشیان بۆ کراوەتەوە، ویستوویانە دەرمانەکان بە هاووڵاتییان بفرۆشنەوە.

 

خاڵی ئەرێنی: بە چاکسازی وەزارەتی تەندروستی و هەوڵی هێزە ئەمنییەکان، دەرمانی قاچاخ لە هەرێمی کوردستان زۆر کەم بووەتەوە و 95٪ـی بازاڕ لەژێر چاودێری کوالێتی کۆنتڕۆڵدایە.

 

باکگراوند: ڕۆژی نۆی ئەم مانگە لە کۆمەڵگەیەکی پزیشکی دهۆک، دەست بەسەر چەندین جۆر دەرمانی نایاسایی و قاچاخدا گیراوە.