کێشەی زەویه کوردەکان بە هەڵواسراوی ماوەتەوە

ئاڤا نیوز 

 

عەرەبی هاوردە دەستی بەسەر دەیان هەزار دۆنم زەویی کوردەکانی دەرەوەی ئیدارەی هەرێمی کوردستان داگرتووە و کێشەکانیان بە هەڵواسراوی ماونەتەوە.

 

وێنە گەورەکە: کێشەی زەویی جووتیارە کوردەکان لە ناوچە کوردستانییەکانی دەرەوەی هەرێمی کوردستان تا دێت قووڵتر دەبێتەوە و ڕووبەڕووی چەندین نادادپەروەری و ستەم بوونەتەوە.

 

لێدوانی فەرمی: فەهمی بورهان، سەرۆکی دەستەی ناوچە کوردستانییەکانی دەرەوەی ئیدارەی هەرێمی کوردستان بە ئاڤا نیوزی ڕاگەیاند: ئەوان لە دانوستانی قووڵدان، بۆ ئەوەی زەوییە داگیرکراوەکانی کورد بگەڕێنرێتەوە بۆ خاوەنەکانیان بەپێی ماددەی 140.

 

زانیاریی زیاتر: ئێستا لەڕووی کارگێڕی و سەربازی و سیاسییەوە، %51ـی خاکی هەرێمی کوردستان داگیر کراوە، یەک ملیۆن دۆنم زەوییە و خەڵکی ئەو ناوچانە ڕووبەڕووی چەندین نادادی و ستەم بوونەتەوە.

 

ئەوەی پێویستە بیزانیت: پێشتر بە بڕیاری 369ی ئەنجوومەنی سەرکردایەتیی شۆڕشی ڕژێمی بەعس، 126 هەزار دۆنم زەوی بە بڕیاری لیژنەی تایبەتی باکووری ئەو ڕژێمە، 100هەزار دۆنم زەوی کە هەمووی خاوەنەکانیان کورد بوون، لێیان وەرگیراوەتەوە و دراون بە عەرەبی هاوردە.

 

لە لایەکی دیکەوە: ئەمڕۆ  29-5-2024 بە بڕیاری سەرۆکوەزیران بارزانی لیژنەیەک پێک هێنرا بۆ بەدواداچوون لە ڕووداوەکانی ناوچە کوردستانییەکانی دەرەوەی هەرێم و ئەو کارەسات و نادادپەروەرییەی ڕووبەڕووی کوردانی ئەو ناوچانە بووەتەوە، بۆ ئەوەی گفتوگۆ لەگەڵ حکومەتی عێراق و لایەنە پەیوەندیدارە بیانییەکانی دەرەوە بکەن.