فەرمانبەرانی گرێبەست دەکرێن بە هەمیشەیی

ئاڤا نیوز

 

حکومەتی هەرێمی کوردستان سەرقاڵی کۆکردنەوەی ئامار و زانیارییە لەسەر تەواوی فەرمانبەرانی گرێبەست، بۆ ئەوەی بەپێی بڕوانامە و پسپۆڕی بکرێنە هەمیشەیی.

 

زانیاریی بەدەستهاتوو: ئەنجوومەنی گشتی ڕاژەی حکومەتی هەرێمی ڕاسپێردراوە بۆ ئەوەی لە ماوەی 10 ڕۆژی داهاتوو داتای تەواو لەبارەی سەرجەم سەرجەم گرێبەستەکان ئامادە بکات.

 

زانیاریی زیاتر: ئەو فەرمانبەرە گرێبەستانەی لە سێ ساڵ زیاتر خزمەتیان هەیە، بەپێی بڕوانامە و پسپۆڕی دەکرێنە هەمیشەیی، دووبارە شوێنی کارەکانیان دیاری دەکرێت. 

 

ئەوەی پێویستە بیزانیت: بەپێی ڕێنماییەکان حکومەتی هەرێمی کوردستان، هەر فەرمانبەرێکی گرێبەست، بۆ ئەوەی دابمەزرێت دەبێت تەنیا ماوەی سێ ساڵ بە گرێبەست بمێنێتەوە و دواتی  دەکرێتە فەرمانبەری هەمیشەیی.

 

چارەسەکارەکان: دوای کۆکردنەوەی داتاکان، کۆنووسێک بۆ ئەنجوومەنی وەزیرانی هەرێمی کوردستان ئامادە دەکرێت، بۆ ئەوەی پەسندی بکات و سەرجەم گرێبەستەکان بکرێنە بە هەمیشەیی.