سەرۆکوەزیران بارزانی: لەبارەی مووچەی هێزە ئەمنییەکان لە گفتوگۆداین

ئاڤا نیوز 

 

سەرۆکوەزیران بارزانی لە سەردانەکەی بۆ بەغدا لە کۆنگرەیەکی ڕۆژنامەوانیدا ئاماژەی بەوە دا لە بەغدایە بۆ چارەسەرکردنی کێشەکان و پتەوکردنی پەیوەندییەکان، هەروەها لەبارەی مووچە هێزە ئەمنییەکانیش گوتی، "گفتوگۆ دەکەین لەمبارەیەوە و ئیشاڵڵا چارەسەر دەبێت". 

 

وێنە گەورەکە: سەرۆکوەزیران بارزانی بۆ "چارەسەرکردنی کێشەکانی نێوان حکومەتی هەرێمی کوردستان و عێراق" چووەتە بەغدا و چەندین دیدار و کۆبوونەوەی لەگەڵ بەرپرسانی عێراق دەبێت.

 

لێدوانی فەرمی: سەرۆکوەزیران بارزانی ڕایگەیاند: دوای کۆبوونەوەمان لەگەڵ قاسم ئەعرەجی، لەگەڵ سوودانی، سەرۆکوەزیران و بەرپرسانی باڵای دیکەی حکومەت و حیزبە سیاسییەکان دیدار و گفتوگۆمان دەبێت لەسەر کۆمەڵێک لەو گرفتانەی کە تاوەکو ئێستا ماون، هەروەها سەردانەکەم بۆ چارەسەر و پتەوکردنی ئەو پەیوەندییە باشانەیە کە ئێستا خەریکە دەکەونە سەر ڕێچکەی خۆی.

 

لەلایەکی دیکەوە: لەبارەی مووچە هێزە ئەمنییەکانیش سەرۆکوەزیران بارزانی گوتی، "لەمبارەیەوە گفتوگۆ دەکەین و پشتیوان بە خودا ئەو بابەتەش چارەسەر دەبێت".