سەرۆکوەزیران بارزانی و هادی عامری کۆبوونەوە

ئاڤا نیوز

سەرۆکوەزیران بارزانی لەگەڵ ئەمینداری گشتیی ڕێکخراوی بەدر کۆبووەوە، هاوڕابوون لە سەر بەردەوامبوونی هەماهەنگیی و هاریکاری نێوان حکومەتی هەرێمی کوردستان و حکومەتی فیدراڵ.

وێنە گەورەکە: سەرۆكوەزیران بارزانی بۆ چارەسەری كێشەكانی نێوان هەرێمی كوردستان و عێراق لە بەغدایە و زنجیرە کۆبوونەوەکانی لەگەڵ گەورە بەرپرسان بەردەوامە .

ڕاگەیێنراوی فەرمی: سەرۆکوەزیران لە بەغدا له‌گه‌ڵ هادی عامری، ئەمینداری گشتیی ڕێکخراوی بەدر و سەرۆکی هاوپەیمانیی (نبنی) کۆبووەوە، هەردوولا هاوڕابوون لە سەر بەردەوامبوونی هەماهەنگیی و هاریکاری نێوان حکومەتی هەرێمی کوردستان و حکومەتی فیدراڵ لە پێناو چارەسەرکردنی کێشەکان، بەتایبەتی دابینکردنی شایسته‌ دارایییه‌كان و مووچه‌ی مووچه‌خۆرانی هه‌رێمی كوردستان و ژیان و گوزه‌رانی هاووڵاتییان.

ئەوەی پێویستە بیزانیت: بە مەبەستی چارەسەرکردنی کێشەکانی نێوان هەرێمی کوردستان و عێراق، شەشەمین جارە سەرۆکوەزیران بارزانی لە کابینەکەیدا سەردانی بەغدا دەکات و لەگەڵ بەرپرسانی عێراق کۆ دەبێتەوە.