بێگه‌رد تاڵەبانی: کشتوکاڵ لە کابینەی نۆیەم سەرکەوتنی بەدەستهێناوە

ئاڤا نیوز

وه‌زیری كشتوكاڵی حكومه‌تی هه‌رێمی كوردستان سوپاسی سەرۆكوەزیران بارزانی دەكات، دەشڵێت "هەمیشە پشتیوانیی جووتیاران و بەرهەمی ناوخۆیی کردووە".

لێدوانی فەرمی:بێگه‌رد تاڵەبانی، وه‌زیری كشتوكاڵی حكومه‌تی هه‌رێمی كوردستان له‌ڕێوڕه‌سمی ساڵیادی كردنه‌وه‌ی كارگه‌ی زۆم ڕایگەیاند: "هه‌رێمی كوردستان گه‌یشتووه‌ته‌ قۆناغێك چه‌ندان كارگه‌ی هه‌مه‌جۆری له‌ بواره‌ جیاوازه‌كاندا هه‌یه‌، كابینه‌ی نۆیه‌می حكومه‌تی هه‌رێمی كوردستان له‌ بواری كشتوكاڵدا سه‌ركه‌وتنی گه‌وره‌ی به‌ ده‌ست هێناوه‌".

 

زانیاریی زیاتر: "سه‌رۆكوه‌زیران بارزانی به‌رده‌وام پشتیوانی له‌ وه‌زاره‌ته‌كەمان كردووه‌ به‌تایبه‌ت بۆ پێشخستنی به‌رهه‌مه‌ نێوخۆییه‌كان له‌ بواره‌كانی ئاژه‌ڵداری و كشتوكاڵی". 

بابەتی ستراتیژی:"نابێت جووتیارانی كورد ببنه‌ قوربانی ململانێی سیاسیی و نابێت چیتر حكومه‌تی فیدراڵ له‌ به‌رامبه‌ر به‌رهه‌می نێوخۆیی كوردستان و جووتیارانی كورد كه‌مته‌رخه‌م بێت و پشتگیرییان نه‌كات". وەزیری كشتوكاڵ وا دەڵێت.