ڕووسیا لە زیادبوونی هەڕەشە تیرۆریستییەکان نیگەرانە

ئاڤا نیوز

 

ڕووسیا هۆشداری لە پەلهاویشتنی "گرووپە تیرۆریستییەکان"ـی ئەفغانستان بۆ دەرەوەی ئەو وڵاتە دەدات و لەو بارەیەوە نیگەرانە.

 

لێدوانی فەرمی: ئەندرێ بێلۆسۆڤ، وەزیری بەرگریی ڕووسیا ڕایگەیاند، هێشتا بارودۆخی ئەفغانستان سەرچاوەی سەرەکی ناسەقامگیری ئاسیای ناوەڕاستە، چونکە چەندین گرووپی "تووندڕەو" شوێن پێی خۆیان لەو وڵاتە بەهێز کردووە. 

 

زانیاریی زیاتر: وەزیری بەرگریی ڕووسیا، لە میانەی کۆبوونەوەی ئەنجوومەنی وەزیرانی بەرگری پەیمانی ئاسایشی بەکۆمەڵ لە کازاخستان داوای کرد، تاجیکستان و وڵاتانی دیکەی هاوسنووری ئەفغانستان سنوورەکانی خۆیان باشتر بپارێزن. 

 

ئەوەی پێویستە بیزانیت: هەر یەکە لە ئەرمەنستان، بیلاڕووس، کازاخستان، قیرقیزستان، ڕووسیا و تاجیکستان لە پەیمانی ئاسایشی بەکۆمەڵ ئەندامن؛ بەڵام ئەرمەنستان لە سێپتێمبەری ڕابردووەوە ئەندامێتی خۆی هەڵپەساردووە.