ئەمڕۆ دووەمین ڕۆژی کەرنەڤاڵی ئاڤا بەڕێوەدەچێت

ئاڤا میدیا

 

ڕۆژی 1ی حوزەیرانی هەموو ساڵێک، بە ڕۆژی جیهانیی منداڵانی دیاریکراوە.

 

ئەوەی پێویستە بیزانیت: گرووپی میدیایی ئاڤا وەک یەکەم میدیای کوردستان، کەرنەڤاڵێکی تایبەت بە منداڵان لە پارکی سامی عەبدولڕەحمان بە چەندین بڕگەی گۆرانی، موزیک، سەما و یاری منداڵانەوە سازکردووە.

 

زانیاری زیاتر: کەرنەڤاڵەکە لە ڕۆژی 31-05-2024 دەستی پێکردووە تاوەکو ئێوارەی ئەمڕۆ بەردەوام دەبێت، لە ڕۆژی یەکەمی کەرنەڤاڵەکەوە سەدان خێزان بەشداربوون و چەندین خەڵاتی جۆراو و جۆریش بەسەر منداڵانی بەشداربوو دابەشکران.

 

ئەوەی لەمبارەیەوە دەگوترێت: هەر منداڵێک لە کاتی هاتنە ژوورەوەی بۆ کەرنەڤاڵەکە بلیتێکی پێ دەدرێت، دواتر لە ڕێگەی تیروپشکەوە خەڵاتی  پێ دەبەخشرێت.

 

بۆچی گرنگە؟ ئەم هەنگاوەی گرووپی ئاڤا میدیا، بۆ دروستکردنی کەشێکی خۆشە بۆ منداڵان، چونکە لە دەستووری خۆی ئاڤا گرنگی بە ڕێکخستنەوە و پاراستنی شیرازەی خێزان دەدات، هەروەها ئاڤا کیدس گرنگییەکی زۆر دەدات بە پەروەردەکردن و فێرکردنی منداڵان بە بەرهەمی سەرنجڕاکێش و سوودبەخش.