پاسەکانی چێنەر & برادەران گەیشتنە ئیسکان

ئاڤا نیوز

 

بە مەبەستی بەشداریکردن لە کەرنەڤاڵی چێنەر و برادەران دەیان پاسی گەنجانی کوردستان لە شار و شارۆچکەکانەوە ڕوویان کردووەتە هەولێر و ئێستا گەیشتنە شەقامی ئیسکان.

 

وێنە گەورەکە: کاتژمێر 10:00ـی ئەمشەو یاریی کۆتایی چامپیۆنزلیگ لەنێوان هەردوو یانەی ڕیال مەدرید و بڕووسیا دۆرتمۆند بەڕێوەدەچێت، ئاڤا سپۆرتیش کەرنەڤاڵێکی جەماوەریی وەرزشی لە شەقامی ئیسکان ڕێکخستووە.

 

چی ڕوودەدات؟ ئێستا هەزاران گەنج لە شار و شارۆچکەکانی کوردستانەوە گەیشتوونەتە شەقامی ئیسکان، سێ شاشەی گەورە بۆ سەیرکردنی یارییەکە دانراون و چێنەر عەبدولقادر، ئەستێرەی دیاری وەرزشیی کوردستان و ئاڤا میدیا لە ستەیجی ئیسکانەوە شرۆڤەی یارییەکە دەکات. 

 

گۆشەیەکی دیکەی دیمەنەکە: دەستپێشخەریەکەی ئاڤا پێشوازییەکی گەورەی لێکراوە لەسەر ئاستی جەماوەری و بەرپرسانی حکومی و پارێزگاران و سەرپەرشتیارانی ئیدارە سەربەخۆکان و بە کارێکی گرنگ دەزانن.

 

ئەمەش بزانە: ڕێوشوێنی تووندی ئەمنی بۆ سەقامگیریی کەشی کەرنەڤاڵەکە گیراوەتەبەر و تیمەکانی ئاسایش، بەرگریی شارستانی، تیمە تەندروستییەکان و هاتووچۆ لە شەقامی ئیسکان لە ئەرکدا دەبن.