سەرۆكوەزیران بارزانی بۆ یەكێتیی: هیوادارم لە پشتیوانی حكومەت بەردەوام بن

ئاڤا نیوز

سەرۆکوەزیران بارزانی پەیامێک ئاڕاستەی  سەرکردایەتی و ئەندامانی یەکێتیی نیشتمانیی کوردستان دەکات و دەڵێت " هیوادارم لە پشتیوانیکردنی حکومەتی هەرێمی کوردستان بەردەوام بن".

پەیامی فەرمی: سەرۆکوەزیران بارزانی ڕایگەیاند:" پیرۆزبایی یادی دامەزراندنی یەکێتیی نیشتمانیی کوردستان لە بەڕێزتان و ئەندامان و لایەنگرانتان دەکەم، یەکێتی خاوەن مێژوویەکی دیار و بەرچاوە و لە زۆر قۆناغی جیاوازی مێژووی گەلەکەماندا، ڕوڵی دیار و کاریگەری هەبووە". 

زانیاریی زیاتر: "لەم رۆژەدا یادی دامەزرێنەری یەکێتیی نیشتمانیی کوردستان، خوالێخۆشبوو مام جەلال دەکەینەوە و هیوادارم لە تێکوشان و خەبات لە پێناو بەدیهێنانی مافە ڕەواکان و پاراستنی دەستکەوتەکانی گەلەکەمان و هەروەها لە پشتیوانیکردنی حکومەتی هەرێمی کوردستان بەردەوام بن و هەر سەرکەوتوو بن".

ئەوەی پێویستە بیزانیت: ئەمڕۆ 1-6-2024 ساڵیادی دامەزراندنی یەکێتیی نیشتیمانیی کوردستانە.