ئاهەنگی دەرچوونی قوتابییانی زانکۆی ئەمریکی لە دهۆک بەڕێوەدەچێت

ئاڤا نیوز

ئێوارەی ئەمڕۆ بە ئامادەبوونی سەرۆکی هەرێمی کوردستان و سەرۆککۆماری عێراق و سەرۆکوەزیران بارزانی، ئاهەنگی شەشەمین خولی دەرچووانی زانکۆی ئەمریکی لە دهۆک بەڕێوەدەچێت.

لێدوانی فەرمی: هەڵمەت کێستەیی، بەڕێوەبەری ڕاگەیاندنی زانکۆی ئەمریکی کوردستان – دهۆک بە ئاڤا نیوزی گوت: ئێوارەی ئەمڕۆ بە ئامادەبوونی نێچیرڤان بارزانی، سەرۆکی هەرێمی کوردستان و لەتیف ڕەشید، سەرۆککۆماری عێراق و سەرۆکوەزیران بارزانی و ژمارەیەکی زۆر لە میوانان سەردانی شاری دهۆک دەکەن بۆ بەشداریکردن لە شەشەمین خولی دەرچووانی زانکۆکە.

زانیاریی زیاتر: کاتژمێر 05:30 خولەک ڕێوڕەسمی ئاهەنگەکە دەستپێدەکات و سەرۆکوەزیران بارزانی، وەک سەرۆکی دەستەی ئەمینداری زانکۆی ئەمریکی کوردستان - دهۆک گوتارێک پێشکەش دەکات.

ئەوەی پێویستە بیزانیت: لەم خولەدا 68 قوتابی لە زانکۆی ئەمریکی کوردستان – دهۆک کۆتایی بە خوێندن دێنن و بڕوانامەکانیان وەردەگرن، ئاهەنگێک بە ئامادەبوونی دوو هونەرمەند بۆ قوتابییان ساز دەکرێت.