ئازاد تۆفیق: سوپاس بۆ ئاڤا کەرنەڤاڵێکی گەورە و قەشەنگ بوو

ئاڤا نیوز

 

پارێزگاری هەڵەبجە دەڵێت، کەرنەڤاڵەکەی ئاڤا میدیا کارێکی باش بوو بۆ کۆکردنەوەی گەنجەکان لە شوێنە جیاوازەکان و هیوادارین بەردەوام بن لەو کارانە.

 

وێنە گەورەکە: شەوی ڕابردوو یاریی کۆتایی چامپیۆنزلیگ لەنێوان هەردوو یانەی ڕیال مەدرید و بڕووسیا دۆرتمۆند بەڕێوە چوو، ئاڤا سپۆرتیش كەرنەڤاڵێكی ڕێک خستبوو و هەزاران كەسی لە ئیسكانی هەولێر كۆ كردەوە.

 

لێدوانی فەرمی: ئازاد تۆفیق، پارێزگاری هەڵەبجە بە ئاڤا نیوزی گوت: ئەو کەرنەڤاڵە وەرزشییە جگە لە بینینی یاریی کۆتایی چامپیۆنزلیگ، کەرنەڤاڵێکی گەورە و قەشەنگی یەکترناسینی گەنجەکان بوو، کە لە شارە جیاوازەکان کۆ کرابوونەوە.

 

زانیاریی زیاتر: ئەوەی لە هەمووی گرنگتربوو کەرنەڤاڵەکە لەکەشێکی ئارام و بێ گرژی و ئاڵۆزی تێپەڕی، سوپاس بۆ کەناڵی ئاڤا و هیوادارین بەردەوام بن لەو جۆرە کارانە.