بە هۆی نەبوونی ڕێککەوتنەوە قایمقامی شنگال هەڵنەبژێردرا

ئاڤا نیوز

بەهۆی نەبوونی ڕێککەوتنەوە، قایمقامی شنگال هەڵنەبژێردرا و دانیشتنەکەی ئەنجوومەنیش بۆ کاتێکی نادیار هەڵگیراوە.

وێنە گەورەکە: ئەمڕۆ ئەنجوومەنی پارێزگای نەینەوا بە مەبەستی هەڵبژاردنی قایمقامێکی نوێ بۆ قەزای شنگال کۆبووەوە .

لێدوانی فەرمی: ئێریڤان مەهدی، ئەندامی ئەنجوومەنی پارێزگای نەینەوا بە ئاڤا نیوزی گوت: بە هۆی نەبوونی ڕێککەوتنەوە لە نێوان لایەنەکاندا دانیشتنی ئەنجوومەن بۆ هەڵبژاردنی قایمقام بۆ کاتێکی نادیار هەڵگیراوە.

زانیاریی زیاتر: لەبارەی ئەوەی هیچ ڕێککەوتنێک لەنێوان پارتی و یەکێتیدا هەیە لە ئەنجوومەنی پارێزگاکە بۆ دانانی قایمقامی شنگال، ئێریڤان مەهدی دەڵێت: "ئەگەر ڕێککەوتنمان هەبووایە ئەمڕۆ قایمقامان هەڵدەبژارد".

چارەسەرەکان: دانانی پۆستی قایمقامی شنگال "دەبێت بە ڕێککەوتنی هەموو لایەنەکان بێت، چونکە حکومەتەکە تەوافوقییە و نابێت بە زۆرینە ئەو پۆستە یەکلا بکرێتەوە".

ئەوەی پێویستە بیزانیت: شەش کەس خۆیان بۆ پۆستی قایمقامی قەزای شنگال بەربژێر کردووە.

کاریگەری و لێکەوتەکان: دۆخی شنگال دۆخێکی ئاڵۆزە و خەڵکی قەزاکە بوونەتە قوربانی نەبوونی خزمەتگوزاری و نا سەقامگیری.