یەکسایدی هاتووچۆ لە نێوان هەولێر تاوەکو دهۆک نامێنێت

ئاڤا نیوز

 

سەرۆکوەزیران بارزانی لە دهۆک بەردی بناغەی جووتسایدکردنی ڕێگەی دهۆک – باعەدرێ دادەنێت.

 

وێنە گەورەکە: سەرۆکوەزیران بارزانی لە دهۆکە و بەردی بناغەی سێ پڕۆژە دادەنێت کە دوو پارکی گەورە و جووتسایدکردنی ڕێگەی دهۆک - باعەدرێیە.

 

بۆچی گرنگە: بە دانانی بەردی بناغەی پڕۆژەی جووتسایدکردنی ڕێگەی دهۆک – باعەدرێ هیچ بەشێکی ڕێگە لە هەولێرەوە تاوەکو دهۆک بە یەکساید نامێنێت.

 

لێدوانی فەرمی: سەردار شێخ یەحیا، قایمقامی قەزای شێخان بە ئاڤا نیوزی گوت: 26 کیلۆمەتر لە ڕێگەی نێوان دهۆک بۆ هەولێر ماوە کە دەکەوێتە سنووری باعەدرێ تاوەکو دهۆک درێژ دەبێتەوە و لەلایەن سەرۆکوەزیران بارزانی بەردی بناغەی جووتسایدکردنی ئەو ڕێگەیەش دادەنرێت.

 

زانیاریی زیاتر: لەگەڵ دانانی بەردی بناغەکە دەست بە دروستکردنی ڕێگەکە دەکرێت و  ماوەی تەواوکردنی دوو ساڵە و پێنج ئۆڤەرپاس لەخۆ دەگرێت.