سەرۆک شارەوانیی جۆلەمێرگ لە دەم پارتی وەرگیرایەوە و بە قەییووم درا

ئاڤا نیوز

 

بە بڕیاری وەزارەتی ناوخۆی تورکیا، محەممەد سدیق ئەکش، سەرۆک شارەوانیی وان کە سەر بە دەم پارتییە بە تۆمەتی "هاوکاریکردنی تیرۆر" دەستبەسەرکرا و عەلی چێلیک، پارێزگاری جۆلەمێرگ لە شوێنی دانرا.

 

بۆچی گرنگە: هاوسەرۆکانی دەم پارتی، ئەمە وەک بیانوییەک بۆ کەمکردنەوەی دەسەڵاتی کورد ناو دەبەن.

 

وێنە گەورەکە: بەرەبەیانیی ئەمڕۆ، محەممەد ئەکش، سەرۆک شارەوانیی وان لەلایەن پۆلیسەوە دەستبەسەر کرا؛ دواتریش پۆلیس هەڵیکوتایە سەر باڵەخانەی شارەوانیی جۆلەمێرگ و دەرگای شارەوانییەکەی داخست.

 

لێدوانی فەرمی: وەزارەتی ناوخۆی تورکیا ڕایگەیاند، ئاکش بە تۆمەتی هاوکاریکردنی تیرۆر کە لە ساڵی 2014 لە سەری بووە، دەستبەسەر دەکرێت و شارەوانیی جۆلەمێرگ بە قەییووم دەدرێت.

 

کاریگەریی و لێکەوتەکانی: کۆبوونەوەی جەماوەری لە شارەکانی باکووری کوردستان لەلایەن ئەندام و لایەنگرانی دەم پارتی و کاردانەوەی پارتەکانی جەهەپە و ئیی پارتی  لێکەوتەوە.

 

لەلایەکی دیکەوە: تولای حاتم ئۆغلو، هاوسەرۆکی دەم پارتی دەڵێت: دەسەڵاتدارانی تورکیا بەم هەنگاوەیان بە کورد دەڵێن: ئێوە بۆتان نییە شارەکانی خۆتان بەڕێوەببەن.