کاردانەوەکان لەسەر دانانی کەسێکی سەر بە قەیووم لە شوێنی دەم پارتی لە شارەوانیی جولەمێرگ

ئاڤا نیوز

 

دەستبەسەرکردن و لەسەرکارلادانی سەرۆک شارەوانیی جولەمێرگ، دانانی قەیووم لە شوێنەکە کاردانەوەی لایەنەکانی لێکەوتەوە.

 

وێنە گەورەکە: بە بڕیاری وەزارەتی ناوەخۆی تورکیا، محەممەد ئەکش، سەرۆک شارەوانیی جولەمێرگ بە تۆمەتی "هاوکاریکردنی تیرۆر" دەستبەسەر کرا و عەلی چێلیکی سەر بە پارتی قەیووم لە شوێنەکەی دانرا.

 

کاریگەری و لێکەوتەکان: ئەکرەم ئیمام ئۆغلو، سەرۆک شارەوانیی ئیستەنبووڵ کە سەر بە  پارتی جەهەپەیە، بڕیارەکە بە بێهیوابوون لە دیموکراسیی تورکیا ناودەبات.

 

لێدوانی فەرمی: دەم پارتی ناڕەزایەتییەکی تووندی دەربڕی و دەڵێت: ئەوان ڕێگە نادەن کورد بە ئارامی شارەکانی خۆی بەڕێوە ببات، ئەمە بە تۆڵەی سەرکەوتنەکانی دەم پارتی لە هەڵبژاردنەکانی 31ـی ئادار ناودەبات.

ڕەفای نوێ دەڵێت: ئەم بڕیارە، دیموکراسیی تورکیا دەشێوێنێت.

ئی پارتی ڕایگەیاند: لەکاتێکدا دەم پارتی بە ڕێژەی دەنگی زۆرینە ئەو شارەوانییەی بەدەست ‌هێناوە، ئەم بڕیارە ڕێزنەگرتنە لە دەنگی خەڵك.

ئەحمەد تورکیش ئاماژەی بەوە کردووە: حکومەتێک هەیە خەریکە دەسەڵات لەدەست دەدات، بۆیە  پەنا بۆ قەیووم دەبات.