شەش كورد بەربژێرن بۆ سەرۆككۆماری ئێران

ئاڤا نیوز

كاتژمێر 12ی شەوی دووشەممە، دەرگای خۆ بەربژێركردن بۆ پۆستی سەرۆككۆماری ئێران داخرا، تا ئێستاش 80 كەس خۆیان تۆماركردووە و شەشیان كوردن.

وێنە گەورەكە: دوای كەوتنەخوارەوەی فڕۆكەكەی سەرۆككۆماری پێشووی ئێران جارێكی دیكە دەرگای خۆ بەربژێركردن بۆ پۆستی سەرۆككۆماری نوێی ئێران كرایەوە، بەپێی دەستووری ئێران دەبێت لە ماوەی پەنجا ڕۆژ دوای مردنی سەرۆكی پێشوو سەرۆكێكی نوێ هەڵبژێردرێت.

ژمارەكان وادەڵێن: تا ئێستا 80كەس خۆیان تۆماركردووە بۆ پۆستی سەرۆككۆماری ئێران و لەو ژمارەیەش شەشیان كوردن.

لێدوانی فەرمی: ئەحمەد وەحیدی، وەزیری ناوخۆی ئێران ڕایگەیاند:"لەماوەی حەوت ڕۆژدا كار دەكرێت بۆ یەكلاكردنەوەی ناوی ئەو كەسانەی خۆیان تۆمار كردووە، شیاندنیان بۆ دەكرێت و بەفەرمی ناوی بەربژێرەكان ڕادەگەیێنین".