ڕاوێژکاری ئاسایشی نیشتمانیی عێراق گەیشتە هەولێر

ئاڤا نیوز

 

ڕاوێژكاری ئاسایشی نیشتمانی عێراق گەیشتە هەولێر و لەگەڵ وەزیری ناوخۆی حكومەتی هەرێمی كوردستان لە كۆبوونەوەدان بۆ قسەكردن لەسەر چەند پرسێكی پەیوەست بەهەردوولا.

وێنە گەورەکە: کەمتر لە دوو مانگی ماوە بۆ کۆتاییهاتنی وادەی داخستنی یەکجاریی کەمپی ئاوارەکان لە هەرێمی کوردستان، تاوەکو ئێستا حکومەتی عێراق ئامادەسازی بۆ گەڕانەوەی ئاوارەی کەمپەکانی کوردستان بۆ ناوچەکانیان نەکردووە.

ئەوەی پێویستە بیزانیت: بەیانی ڕۆژی سێشەمە، قاسم ئەعرەجی ڕاوێژكاری ئاسایشی نیشتمانی عێراق گەیشتە هەولێر و لەگەڵ وەزیری ناوخۆی حكومەتی هەرێمی كوردستان باس لە پرسی ئەمنی و هەماهەنگی زیاتری هێزەكان و پرسی ئاوارەكان و چەند پرسێكی دیكە دەكەن.

لە لایەكی دیكەوە: سەرۆکوەزیران بارزانی دوێنێ دووشەممە 03-06-2024 سەردانی شنگالی کرد و دواتر ڕایگەیاند: "هیوادارم بتوانین پێکەوە باشتر خزمەتی خوشک و برا ئێزدییەکانمان بکەین و ئاوارەکانیش بە سەربەرزییەوە بگەڕێنەوە زێدی خۆیان".