لە 9 شوێنی سنووری هەولێر ئاگر کەوتەوە

ئاڤا نیوز

 

گوتەبێژی بەڕێوەبەرایەتیی بەرگری شارستانیی هەولێر ڕایگەیاند، 525 دۆنم گەنم لە گوندی سمایلاوە ئاگری گرت و سووتا.

 

وێنە گەورەکە: ئاگرکەوتنەوە بەهۆی هاتنی وەرزی گەرما، زۆر بووە و ڕۆژانە چەندین ڕووداوی ئاگرکەوتنەوە بە هۆکاری جیاواز ڕوودەدات.

 

لێدوانی فەرمی: موقەدەم شاخەوان سەعید، گوتەبێژی بەرگریی شارستانیی هەولێر بە ئاڤا نیوزی گوت: ئەمڕۆ 4-6-2024 لە سنووری هەولێر نۆ ئاگری گەورە و بچووک کەوتنەوە، لەناویاندا کارگەیەکی دروستکردنی کارتۆن لەسەر ڕێگەی گوێر بووە و زیانی زیاتر لە 40 هەزار دۆلاری بەرکەتووە، هاوکات 525 دۆنم گەنم لە گوندی سمایلاوە لەسەر ڕێگەی خەبات ئاگری گرتووە و سووتا.

 

زانیاریی بەدەستهاتوو: لە سەرەتای ساڵی 2024 تاوەکو 31-5-2024 لە سنووری پارێزگای هەولێر 407 ڕووداوی ئاگرکەوتنەوە بە قەبارەی جیاواز هەبووە.