حکومەتی هەرێمی کوردستان 500 گەنجی هەڵەبجە دادەمەزرێنێت

ئاڤا نیوز

 

دوای سەردانەکەی سەرۆکوەزیران بارزانی بۆ پارێزگای هەڵەبجە، حکومەتی هەرێمی کوردستان بڕیاریدا 500 گەنجی هەڵەبجە بە گرێبەست دابمەزرێنێت و مەرجەکانیشی بڵاو کردەوە.

 

وێنە گەورەکە: حکومەتی هەرێمی کوردستان بەبایەخەوە کاری کردووە بۆ سەرخستنی پڕۆژەکانی پارێزگای هەڵەبجە، دوایین سەردانی سەرۆکوەزیران بارزانی لە چوارچێوەی ئەو بایەخە دەبینرێت.

 

بڵاوکراوەی فەرمی: حکومەتی هەرێمی کوردستان ئێوارەی ئەمڕۆ سێشەممە لینکی دامەزراندنی کۆمەڵێک پسپۆڕی ڕاگەیاند، هاوکات ئەنجوومەنى ڕاژەى گشتى هەڵدەستێت بە وەرگرتنى فۆرمى داواکاریی دامەزراندن بۆ پارێزگای هەڵەبجە بە شێوەى گرێبەست.

زانیاریی زیاتر: هەر کەسێک داوای دامەزراندن بکات، دەبێت ئیمەیلی تایبەتی خۆی هەبێت، دامەزراندنەکە تەنیا بۆ دانیشتووانی پارێزگای هەڵەبجەیە و هەر کەسێک دەتوانێت یەک پسپۆڕی بۆ دامەزراندن هەڵبژێرێت، لەگەڵ ئەوەدا پێشکەشکار دەتوانێت تاوەکو سێ وەزارەتی پەیوەندیدار بە پسپۆڕییەکەی هەڵبژێرێت.

 

باکگراوند: ڕۆژی 22-2-2024 سەرۆکوەزیران بارزانی سەردانی پارێزگای هەڵەبجەی کرد و بەڵێنیدا 500 گەنجی ئەو ناوچەیە دابمەزرێنێت و بڕیاری چەند پڕۆژەیەکی دیکەی دەرکرد.

 

لەم لینکە دەتوانن فۆڕمەکە پڕبکەنەوە.