ئاژانسی وزەی ئەتۆمی بڕیارێکی لە بارەی ئێران پەسەند کرد

ئاڤا نیوز

 

ئەنجوومەنی ئاژانسی نێودەوڵەتیی وزەی ئەتۆم دوای سێ ڕۆژ لە گفتوگۆ پڕۆژە بڕیارێکی سەبارەت بە فایلی ئەتۆمیی ئێران پەسەند کرد.

 

ناوەڕۆکی بڕیارەکە: بڕیارەکە داوا لە ئێران دەکات بۆ ڕەواندنەوەی نیگەرانییەکانی ئاژانس "دەستبەجێ" لەگەڵ پشکنەرەکانی ئاژانس هاوکاری بکات و وەڵامی "ڕازیکەر" سەبارەت بە گومانەکانی پەیوەست بە بەرنامە ئەتۆمییەکەی بداتەوە. 

 
زانیاریی زیاتر: پڕۆژە بڕیارەکە لەلایەن بەریتانیا، فەرەنسا و ئەڵمانیاوە پێشکەش کرابوو و لە کۆی 35 ئەندام، 20 دەوڵەتر بە بەڵێ و 12 دەوڵەتیش بە نەخێر دەنگیان دا و دوو ئەندامیش خۆیان لە دەنگدان پاراست.